Бұлтты құрылғыларды топтарға біріктіру арқылы басқаруға болады. Бастапқы конфигурациялау кезеңінде, Kaspersky Security Center әдепкі бойынша Басқарылатын құрылғылар\Cloud басқару тобын жасайды және желіде сауалнама өткізу кезінде анықталған бұлтты құрылғылар осы топқа салынады.
Синхрондауды конфигурациялау кезінде Басқару тобының құрылымын бұлттық сегментпен синхрондау жалаушасын қойған болсаңыз, онда осы басқару тобындағы ішкі топтар құрылымы бұлттық сегменттеріңіздің құрылымына сай келеді. (Алайда, қолжетімділік аймақтары мен орналастыру топтары AWS құрылымында ұсынылмаған, ішкі желілер Microsoft Azure құрылымында ұсынылмаған). Сауалнама өткізу кезінде анықталған топ ішіндегі бос ішкі топтар автоматты түрде жойылады.
Сондай-ақ, сіз барлық немесе кейбір құрылғыларды біріктіретін басқару топтарын өз бетіңізше жасай аласыз.
Басқарылатын құрылғылар\Cloud тобы әдепкі бойынша Басқарылатын құрылғылар тобынан саясаттар мен тапсырмаларды иеленеді. Тиісті саясат пен тапсырмалар параметрлерінің сипаттарында Өңдеуге рұқсат етілген жалаушалары қойылса, параметрлер конфигурацияларын өзгерте аласыз.